altair Seteportas

Seteportas – Altair Compostela xorde no ano 2014 como un grupo pertencente ó Movemento Internacional, Sociocultural, Educativo e de Cooperación para o Desenvolvemento Altair.

Somos un grupo de persoas que educamos nos tempos libres na cidade de Santiago de Compostela. A nosa equipa está formada por voluntarias – que non reciben salario pola posta en práctica do proxecto educativo de Altair–  e as nenas e nenos do grupo.

Desenvolvemos actividades destinadas a rapaces e rapazas de 7 a 17 anos todos os sábados pola mañá, de 11.00h a 14.00h, en Compostela. Ademais, puntualmente (nadal, pascua, verán…), organizamos campamentos en conxunto co grupo irmán Chao de Castro – Altair Burela.

Convidamos a calquera persoa que queira formar parte do noso proxecto a poñerse en contacto connosco a través do noso mail seteportas@altairweb.org

A equipa de monitor@s compoñémola estudantes de diversas disciplinas que compartimos o noso interese e compromiso co mundo do tempo libre. Somos:

• Andrés Ramos García, cursando Mestrado em Estudos da Literatura e da Cultura (USC). Educador.23 anos
• Martín Mondragón Rivadulla. Estudante de primeiro curso de Comunicación Audiovisual na USC.Con grande paixón pola música, tradicional e non tradicional. 19 anos.
• David Fontán Bestilleiro. Jornalista. Historiador. Educador. 27 anos
• Helena González Doval. Estudante. Educadora. 22 anos
• Maria Claudia Puga Fidalgo, Animadora turística e sociocultural. Monitora en prácticas.
• Marta Fernández Díaz. Monitora en prácticas  Educadora
• Laura Crestar Álvarez Estudante de Educación Social da USC. Educadora do grupo picurras de Seteportas. 20 anos
• Oscar Revillas Garcia,  monitor en practicas, parado, 23 anos.

O noso agradecimentos aos educadores que formaron parte de forma activa no grupo de Seteportas: Olalla Liñares, Eva Babazán, Alba González, Olaya Rodríguez, Natividad Rúa, e Diana Babarro.

Como equipa nacente traballamos día a día por ampliar os nosos horizontes e consolidar a nosa equipa de monitores/as, así como o conxunto de nenos e nenas cos que desenvolvemos a nosa labor.

Cremos na pedagoxía do noso proxecto como forma de educar en valores nos tempos libres, ademais de facer que os/as nenos/as medren sentíndose parte dun grupo que camiña unido sen esquecer a individualidade de cada persoa; tomando o xogo como punto de partida para chegar a construír entre todos/as unha sociedade mellor.